ნოემბრის ქართული მუსიკა | 2020
ავტორი: ჯაბა შავიშვილი >>
4 დეკემბერი, 2020 >>
16 წუთის წასაკითხი >>
8 ნახვა
Newa - Observer 001
ანა კუბლაშვილი იგივე Newa ახალ EP-ს აქვეყნებს, რომელიც აქამდე გამოუქვეყნებელი ტრეკებისგან შედგება და მუსიკოსმა ლეიბლის გარეშე დაარელიზა, მუსიკა აქაც raw ტექნო ბიტებითა გარშემორტყმული.
Erekle Getsadze – Frankfurt
ქართველი მუსიკოსი ერეკლე გეწაძე ახალ ალბომს, “Frankfurt”-ს “Leno Records-ზე აქვეყნებს. მუსიკოსისთვის გამორჩეული მელოდიურობა და გრუვი ახალ ალბომშიც ნაცნობ სახეს იღებს და მსმენელს ელოდება.
Sukhishvili – Ramishvili
„Leno Records“-ზე სუხიშვილების 2013 წლის პროექტი „თანამედროვე ბალეტი - რამიშვილები“ უკვე ციფრულად არის ხელმისაწვდომი. ინოვაციურობით ცნობილი პროექტი, როგორც ქორეოგრაფიის მიმართულებით, ასევე მუსიკალურადაც არ წყვეტს ექსპერიმენტებს და განაგრძობს წინსვლას.
Dima Dadiani – Ortachala
დიმა დადიანისთვის ეს წელი ნაყოფიერი აღმოჩნდა, ალბომ „ზესტაფონის“ შემდეგ „Leno Records“-ზე იგი ახალ EP-ს „ორთაჭალა“ აქვეყნებს, სადაც ლოკალურ მუსიკალურ ტრადიციას ბრიტანულ ბას მუსიკასთან საკმაოდ გემოვნებიანად აზავებს.
Tamaz - All My Crazy Love – Cry
სამი ფორტეპიანოზე შესრულებული კომპოზიციისგან შემდგარი EP ქართული მუსიკოსისგან
Avgust1ne - another version of the truth
Avgust1ne ამერიკელი მუსიკოსია, რომელიც ამჟამად თბილისში ცხოვრობს. სწორედ აქ ჩაწერა მან პირველი ალბომიც, რომელიც ტრანსისა და Drum N Bass-ის ნაზავს წარმოადგენს.
HVL - Aura Fossil
გიგი ჯიქია მისსავე დაფუძნებულ HVL-ის ლეიბლზე, მორიგ ალბომს აქვეყნებს. მუსიკა აქაც ემებიენთისა და ტექნოს ნაზავია, რომელიც მომენტებში 90-იანების მეორე ნახევრის IDM-ის ნოსტალგიითა გაჯერებული.
Four Dimensional Monster Lobsters – NAMETNAVAD
ქართულმა ბენდმა ახალი მუსიკალური კლიპი გადაიღო კომპოზიციაზე „ნამენტნავად“ რომელიც ჯგუფის სადებიუტო ალბომში „Solitary Days of Alien Abduction“ შევიდა.
AKIN - ხმაური
ნიკა ჩოხელი, რომელიც ჯგუფი Mellow-ის დამფუძნებელია, ახალი ფსევდონიმით AKIN ახალ ალბომს „ხმაურს“ აქვეყნებს, რომელიც აუდიო კომპოზიციების, სიმღერების და ყოველდღიური ხმების კრებულია.
Ottonian - OLDIES
თბილისელი პროდიუსერი და ბითმეიქერი Ottonian ძველ გამოუქვეყნებელ ტრეკებს ცალკე ალბომად აქვეყნებს, სადაც არტისტის მუსიკალური მრავალფეროვნებად ნათლად ჩანს, ბრეიქბიტიდან დაწყებული, გეტო ჰაუსით დამთავრებული.
BREATHDUB – MELLOW
ზურა ჩხარტიშვილი BREATHDUB-ის სახელით ახალ სინგლს აქვეყნებს, რომელიც მისსავე დაფუძნებულ ლეიბლზე „Timelapse Of A Dream“ გამოვიდა.
Night Oceann - Sorcerer's Dream
ნატალია ბასილაიას სადებიუტო ემბიენთ EP „Expeditions Above“-ის ლეიბლზე.
