ივლისის ქართული მუსიკა
ავტორი: ჯაბა შავიშვილი >>
13 აგვისტო, 2024 >>
9 წუთის წასაკითხი >>
510 ნახვა
Toksick - cosmodrome // კოსმოდრომი
Toksick თორნიკე ჩაჩანიძის მუსიკალური პროექტია, პროდიუსერმა კარიერა 2010 წელს დაიწყო, ძირითადად ალტერნატიული და ინდი როკ მიმართულებით, რის შემდეგაც ელექტრონულ მუსიკაზე გადაერთო და ძირითადად დეტროიდ ტექნოს ჟღერადობის მუსიკას ქმნის. ივლისში მან რამდენიმე მინიალბომი საჯაროდ გამოაქვეყნა Bandcamp-ის პლატფორმაზე.
Kordz - სამშობლო
ალექსანდრე კორძაიამ კიდევ ერთი ლამაზი EP შემოგვთავაზა, რომელიც ეთერ კაკულიას სიმღერაზე, „ჩემო სამშობლო“-ა დაფუძნებული (კომპოზიტორი ნუნუ გაბუნია). მინიალბომში 4 სიმღერა შედის, მთავარი სინგლი კი Mecahnical Rainbow-სთან და სტეფანესთან ერთად ჩაწერილი „SDEQ” არის, რომელიც 2024 წლის ზაფხულის ჰიმნად იქცა.
Natalie Beridze - Ancient Songs only (2006-2018)
ნატალია ბერიძემ აქამდე გამოუქვეყნებელი სიმღერების კრებული ბენდქემფზე საჯაროდ გამოაქვეყნა. მუსიკალური ფორმით ყველა განსხვავებულია, ვინაიდან არტისტის განვითარების სხვადასხვა ეტაპზე იქნა ჩაწერილი, თუმცა რაც აერთიანებთ ეს ნატალიას მშვიდი და აუღელვებელი ვოკალური ჩართვებია.
HAMATSUKI / DJ ASTROBEE - SUM001
ქართული ლეიბლი Summoning უკვე წლეებია ლოკალური და უცხოელი პროდიუსერების კოლაბორაციულ გამოცემებზე მუშაობს, თუმცა აქამდე ეს მხოლდო ციფრული სახით ხდებოდა. ივლისში მათ ლეიბლის პირველი ფიზიკური რელიზი დაანონსეს, რომელიც Hamatsuki-სა და DJ Astrobee-ს საერთო ფირფიტის სახით გამოვა.
See Me – Helicopters
ქართული ბენდი See Me, რომელმაც პირველი სინგლი 2023 წელს გამოაქვეყნა, ივლისში მათ სადებიუტო ალბომს, „Helicopters” აქვეყნებს.
LOUDspeakers - Breathe Deeper
მცირედი შესვენების შემდეგ, LOUDspeakers მსმენელს კიდევ ერთი სინგლით უბრუნდება, რომელიც პირველად Komorebi-ს ფესტივალზე ცოცხლად შეასრულეს.
Deena – Ring Ring
Deena-ს სახით ბოლო წლებში ქართულმა მუსიკალურმა სივრცემ ერთ-ერთი საინტერესო ავტორ შემსრულებელი შეიმატა. მელომანებში პოზიტიურად მიღებული სადებიუტო ალბომის შემდეგ, Deena ახალ სინგლს „Ring Ring” და მასზე გადაღებულ მუსიკალურ ვიდეოს აქვეყნებს.
Powered by VISA
